財務策劃不求人

20100308 轉換基金

2010-03-08T12:06:00.005+08:00

近日幾隻新興市場基金似乎已重拾升軌，其中新興歐洲基金亦已升近早前一月高位$89, 而印度, 拉丁美洲及中國基金與高位差距亦收窄至只有5%, 同時價格亦已升穿50及100天平均線，形勢上向好, 如走勢持續將會出現黃金十字(50天平均線升破100天平均線)。故此把早前賣出之貨幣基金單位轉入, 而由於已經可以選擇單一市場, 因此今次直接轉入了巴西及俄羅斯基金，另外亦小注買入新能源基金。

匯豐中國股票基金 - AD [20090403] [LastYear]
賣出價: 70.2(20100201) 現價: 72.61(20100305)
比買入價: 52.47(20090403) 上升了 33.79%(38.38%)

AIG 拉丁美洲基金 - Y [20090420] [LastYear]
賣出價: 656.71(20100128) 現價: 709.4(20100305)
比買入價: 402.98(20090420) 上升了 62.96%(76.04%)

貝萊德全球基金 - 新興歐洲基金 - A2-EUR [20090728] [LastYear]
未達止賺位 - 高位回落差距: 10 %
現價: 88.5(20100305)
與最高價 89.15(20100120) 相距 0.73%
比買入價: 61.96(20090728) 上升了 42.83%

匯豐印度股票基金 - AD [20091214] [LastYear]
未達止賺位 - 高位回落差距: 10 %
現價: 175.12(20100305)
與最高價 185.15(20100111) 相距 5.42%
比買入價: 171.28(20091214) 上升了 2.24%

新增四隻基金

2010-02-06T01:12:00.005+08:00

收到消息，本人既基金投資計劃唻緊可以揀多四隻基金...

德盛印尼基金“A”

貝萊德全球基金 - 新能源基金“A2”

滙豐環球投資基金–巴西股票“AD”

施羅德環球基金系列 - 中東海灣 “A1”

似乎可以將隻拉丁美洲基金轉做巴西股票基金, 令組合更加集中....唔知幾時可以直接揀埋俄羅斯基金呢？(ps. 中國, 印度, 我都有買, 但係之前巴西同俄羅斯冇得單一咁買, 我就買左拉丁美洲同東歐基金 ...咁而家巴西有得單一買, 所以我會轉, 俄羅斯就仲未有..)

另外, 由於發現morningstar 個網站改左樣，所有基金既代號都變晒, 我個基金分析程式又要再update 下，順手加埋AJAX API, 方便以後寫iPhone 基金app. 又或者直接去友記網站度拎fund price 好過(雖然morningstar 既價格update d)...

基金調配 20100131

2010-02-01T01:04:00.005+08:00

近日幾隻新興市場基金由高位回落達10%, 於是先後賣出AIG 拉丁美洲基金及匯豐中國基金，另外雖然早前買入的匯豐印度基金也有超過10%跌幅，但未達15%止蝕位，暫未作出行動，遲些當到達15%止蝕位亦會一併賣出。另外，由於未有適合基金作轉入，資金暫時留在港元貨幣基金中作停泊，待合適時機再轉出。

AIG 拉丁美洲基金 - Y [20090420] [LastYear]
已到止賺位 - (new max)(again)高位回落差距: 10 %
現價: 650.93(20100129)
Units : 1.2759 ($830.521587)
與最高價 746.53(20100111) 相距 12.81%
比買入價: 402.98(20090420) 上升了 61.53%

匯豐中國股票基金 - AD [20090403] [LastYear]
已到止賺位 - (new max)(again)高位回落差距: 10 %
現價: 70(20100129)
Units : 13.1864 ($923.048)
與最高價 80.39(20100106) 相距 12.92%
比買入價: 52.47(20090403) 上升了 33.41%

匯豐印度股票基金 - AD [20091214] [LastYear]
未達止蝕位 - 止蝕差距: 15 %
現價: 165.24(20100129) 止蝕價: 145.588
Units : 2.9976 ($495.323424)
與最高價 185.15(20100111) 相距 10.75%
比買入價 171.28(20091214) 下跌了 -3.53%

本網誌純屬個人意見，並不構成投資建議。

20091208 基金調配

2009-12-08T10:16:00.003+08:00

近期新興市場升勢持續，印度，拉美，中國，東歐等互有升幅，雖然幅度各異，但整體新興市場長線看好，短期那一個地區跑嬴那一個跑輸其實意義不大，即使最差的東歐市場也有近九成升幅。相反遇著跌市，新興市場大都一起下跌，即使最佳的市場也可能有五成跌幅，因此捕捉個別地區走勢其實意義不大。短線來看，個別地區走勢升跌全因資金流向所致，然而長線增長始終是依靠實質經濟因素，新興國家經濟動力強勁，即使短線互有輸嬴，長線差別不大，大家也互有升幅。

因此，本人所持之新興市場組合維持不變，反而早前買入的泰國基金眼見升幅已停頓了個多月，似乎升勢不再，觀乎本年五月買入至今有近四成升幅，算是不錯，雖然距離最高位下跌了7%，未達換走的15%，但也不再等了，換回貨幣基金以待下一個投資機會。

近期巴西聲勢強勁，同行間滿口2014 2016(世界杯及奧運), 相信未來三年會有一定升幅，但未必能夠持續至2014 年，回看2008北京奧運已知一二，看來這一兩年世界杯概念會繼續炒作，但至2014 年相信會打回原形。另外，朋友剛由巴西回來，告知當地情況，比中國還要落後，似乎真的需要有很大發展方可舉辦世界盛事，究竟四年間巴西可以有怎樣的改變？大家拭目以待。

本網誌純屬個人意見，並不構成投資建議。

2010 年環保泡沫？

2009-11-22T01:57:00.005+08:00

早前參與了IFPHK 舉辦的一個講座，請來曾淵滄教授來談一下投資心得，當中提及來年2010年的投資環境，在此想分享一下。

首先，對於各國政府會否退市一事，曾教授認為言之尚早，中國在本年經過不繼注資，方才能成功保八，而美國政府現在仍面對失業率上升問題，更不會貿然退市。因此，短期內也不必擔心政府會出手壓止股市的情況出現。

然而，現在股市的升勢卻又來得有些急，他解釋道現時股市急升其中之一的原因是早前部份公司由於獲政府注資，其管理層未能像以往般分得巨額花紅，故此有部份公司為了儘早償還債務，大膽於低位入市，務求賺取足夠資金以擺脫政府的干務，以取回決策權，因此於經濟未完全復甦前股市已經開始回升。而之後又有第二批投資者見其升幅於是接著入市，形成上升趨勢。

曾教授其後回顧了九七金融風暴過後的科網股事件，亦透露他本人亦是受害者之一，對比起今次的金融海嘯，曾教授提及要小心於2010 年可能會有另一泡沫出現。他提出每次泡沫的主題皆不盡相同，由1997年的樓市泡沫，至2000年科網泡沫，2007年的次按泡沫，2010年可能出現的可能是環保泡沫。

近幾年有關環保的主題的確多了很多，亦有更多公司轉形投身環保行業，當中不乏大搞新興能源，回收再造等概念的公司，的確有點泡沫的跡像。但是，泡沫未必一定是壞事，如能於泡沫形成早期成功辨認趨勢，早早吸納，再密切注視泡沫的走勢，於爆破前沽出，有時候的確能夠發一個小財。當然，能夠真的做到於泡沫爆破前全身而退的投資者小之又小，故此，即使投資，也切記小注嘗試，切勿大額訓身。

ps. 不說不知，原來中原城市領先指數是由曾教授與中原地產於1997年創立，創立時的100點竟然是至今高位(現時約70點)...而曾教授亦曾於高位時購入一物業，至今仍有近六成損失....

投資策略之組合重置(Profile Rebalancing)

2009-10-17T02:06:00.002+08:00

組合重置Profile Rebalancing)這個策略一點也不新，早在２０００年公司引入首隻投資相連產品時已經有介紹過這個策略了。當時甚至可以替客戶每季自動進行組合重置，但由於涉及基金轉換收費，故大多數客戶也不會選擇自動進行組合重置。而到了２００３年，公司推出第二代投資相連產品，豁免了轉換費，但又取消了基金組合自動重置的功能，自此這策略開始少人談論了。

及至近幾個月，公司的投資講座又把這策略拿出來介紹，並指出透過適度分散投資，配合平均成本法投入資金，加上長線持有，再定時進行組合重置，可以更有效地令回報/風險比率(即每單位風險得到的回報率)提高。

簡單來說，組合重置(Profile Rebalancing)就是先定下投資組合分配比例，再定期檢視，遇有組合分配失衝時加以轉換，使組合重回預定比例，以期達至低買高賣，並減低波幅為目標。

舉例來說，投資組合初期分配定為三成債券，七成股票，當於股票牛市時股票價值上升，股債比例可能會升八成對兩成，這時候就把多出的一成股票賣出，換成債券，使之繼續維持三成債券，七成股票的比例。而當到了熊市階段時，股票比例可能會跌至六成，股債比例變成六成對四成，此時便把債券多出的一成轉換至股票組合中。長線而言，可起低買高賣的效果。

然而，這個策略的前設是組合的分配是低相關性的，而其中包含一個高波動性的類別(股票)，同時這個類別是有周期性起伏的，如此才能成立。

本人正為這策略的尋找更多數據分析及模擬試驗，看看是否真正對長線投資有幫助。

ps. 對於短線或投機者而言，這策略毫無作用。

平均成本法之定額vs定量

2009-09-18T00:16:00.006+08:00

平均成本法大家都聽過，但其實是有定額及定量之分的。

定額的平均成本法就是每月把固定的金額用作投資，例如每月$2,000 , 而所購得的單位或股數可能不同，通常會用於月供基金或月供股票之上，若是月供股票的情況則有可能購入碎股。

定量的平均成本法則是定期購入一定數量的股票或基金，例如每季買入一手建行，又或是每年買入一手匯豐。好處是不會有碎股出現，但由於價格的差異，每次投入的資金會有所不同，同時亦較難養成習慣。

無論是定額或是定量，平均成本法都能有效把風險降低，並能夠於大多數市況下避免損失，同時兩者都能夠有效解決思考「何時入市？」的煩惱。

然而，經過本人作過數十次模擬市況分析後，得出的結果是透過定額投資比定量投資為佳。定額投資的回報率平均比定量投資每年高出1-3%，反之風險則較定量投資低0.5-2%，究其原因是定額投資能夠協助你在市況高漲時買入較少單位，反之在價格低沉時購入較多單位，從而使平均入市成本降低，賺取較高回報。

所以，如果想以平均成本法買股票，還是參加月供股票計劃或基金計劃較好。

FinPlan for iPhone

2009-09-05T00:54:00.000+08:00

近來看了些 iPhone 的程式開發書藉，自行開發了一套在iPhone 上用的財務策劃軟件，可供用家作入息保障計算，目標儲蓄計算，退休計劃安排及教育基金策劃等。現時以收費軟件(US$2.99)放在App Store 出售。

詳情可參閱此軟件的網站: http://www.jakelau.com/iphone/FinPlan/

或直接到App Store 查看(搜尋關鍵字：FinPlan)

每日賺取1%回報

2009-09-03T00:43:00.005+08:00

如果要你每一天賺取1% 的回報，你說難不難呢？

粗略計算了一下，如果每天可以賺取1%回報，以本金$10,000元為例，經過複息計算，一年250個交易日，一年後將會增值至$120,321 (10,000 * 1.01^250) ，高達12倍回報，意想不到吧！

當然，問題是能否每天賺1%呢？這又是另一個問題。

投資策略簡介

2009-09-03T00:33:00.002+08:00

簡介一下三種投資策略

投資計劃比較

2009-09-03T00:31:00.002+08:00

早前於公司作了一場演講關於兩種投資產品的異同，分享一下。

投資者的定位(3/3)

2009-08-13T11:53:00.000+08:00

最後要談一下投資者與投機者的區別

投資者把資金投入公司的營運之中，並樂意伴著公司的成長，他們對股價的上落並不感興趣，他們著眼的是公司的管理及盈利能力，公司的長遠發展，以及公司的市場地位等等。然而，他們也會留意股價，目的是當價格過於低微時能夠以低價買入該公司之股權，並作長線持有。

投機者靠的是一買一賣賺取利潤，他們可以採取不同的分析方法，例如技術分折，基礎分析等，從而能夠找到買入後會升價的公司股票、貨幣、債券等。同時他們也可以以相反手段沽空認為價格會下跌之證券，從而獲利。他們積極收集市場的資訊，關心證券的價格，並以快速的手段掙取行動。

後話：經過安德烈的分類，我發現從多自稱為投資者的人士其實是在進行投機，而投資跟投機的分類並不在於持有項目的時間長短，而是在於獲利的方式。投機者主要以價格差來獲利，而投資者卻以其經營所產生的效益來獲利。基金經理跟大戶也可以是投機者，而經紀人期望客戶能夠不斷進行短線買賣，討厭長線持有。

投資者的定位(2/3)

2009-08-12T10:36:00.001+08:00

接下來談談大戶、套利者跟小投機手：

大戶是交易所的幕後莊家，他們有足夠力量去控制市場的升跌，他們看重的是中期走勢，並且不會著重一兩個價差的分別，走勢圖表是他們的朋友，他們熟悉如何運用圖表去讓散戶相信技術分析，並且以此引導散戶買進賣出，從而讓自己得到獲利的機會。

套利者是利用相同物件不同地域或不同時間的價格差來達成利潤，例如由A地方買入，並同時於B地方賣出，賺取價差。基本上投資者或投機者都是套利者的一群，他們運用時間上的價格差來獲利，於A時間買入，並於B時間賣出，從而獲利。而隨著科技發達，資訊的流通變得更快速，地域上的套利者將更難去取得獲利機會。

小投機手(散戶)所持有的資金並不多，他們喜歡到處打探消息並以此為買入或賣出的訊號，他們會運用不同的工具去判斷走勢，並整天待在交易所中留意市場氣氛，但很多時卻落入大戶的圈套中而不自知。他們會不斷進行交易，並相信能夠短期致富。他們是經紀人最喜歡的客戶。

投資者的定位(1/3)

2009-08-11T11:49:00.006+08:00

正在看安烈. 科斯托蘭尼的書，當中提及投資市場中各人的分類，當中包手括經紀人，基金經理，大戶，套利者，小投機手(散戶)，投資者，以及投機者。

經紀人指的是靠替交易所參與者達成交易而賺得收入的人，他們的目的是讓客戶不斷買賣，從而增加佣金，你看好想買入時，他們會讚成，並給予你很多買入的理由，並建議你快速買進。你看淡想賣出時，他們立刻又會轉口建議你沽出，並告訴你看淡的理由，協助你快速沽售。他們的眼光並非放在客戶賺錢與否，而是客戶有否交投。

基金經理為客戶管理投放的資金，他們的收入主要靠管理資金的多少來決定，他們會努力去跑嬴市場指數，但求能夠得到投資人的目光，從而把金錢投進所管理的基金之中。相對於基金的賺蝕，他們更著重能否跑嬴指數，即使資金有所損失，只要損失的比例比指數為低他們也會滿意。他們會訂定投資市場及目的，並嚴格規定自己依從標準，組合的分佈要合乎指數分類，並因此限制重重。

基金整理

2008-08-04T22:49:00.000+08:00

好快又過左兩個月，之前轉入既貝萊德新興歐洲基金同 JF日本基金表現未如理想，分別下跌11.84%同 8.87%，決定換出，同時發現景順健康護理基金升穿五十天及一百天平均線，觀察了個多星期走勢似乎不錯，同時之前七月初轉入既另一隻富蘭克林鄧普頓生物科技基金升左 7.16%，相信熱錢正在轉向呢個行業，因此換入。

另一方面，早前保留既施羅德台灣基金呢兩個月都冇乜起色，與五月高位比較跌了20.79%，同買入價相比都跌左7.24%，故同時決定轉出，換入之前作牛刀小試既生物科技基金，總持股量增至18%。

另外，兩隻礦業基金由高位回落，荷銀商品物料基金同高位比較跌了16%，但仍比買入價高 4.82%，反而隻貝萊德世界礦業基金跌得比較勁，同高位比跌左25.8%，亦較買入價跌左6.18%，呢兩隻基金係我個組合入面都佔左幾大比重，遲下可能要轉一轉。

至於之前加入既三隻新基金，表現麻麻，但所佔比重唔大，加上自己始終對科技同電訊業幾睇好，因此並未轉走。反而唻緊新加既幾隻基建內需主題基金同外幣對沖基金似乎幾吸引，下個月再睇睇好唔好轉入去試下。

至於長線組合，依然係BRIC(巴西、俄羅斯、印度同中國)，雖然新興市場呢一兩年都應該會有幾大波幅，中國又宏調，又後奧運效應，印度又通脹又加息，巴西既商品價格又由高位回落，俄羅斯既石油同天然氣價格都下跌，不過由於係月供既長線組合，所以一於好少理，反正基金價格跌左同一筆錢仲會買多左單位，變相係執平貨，套用返平均成本法，長線(20年以上)呢幾個市場節節向上，我要做既只係默默收集單位。

以上意見並不構成投資建議，投資涉及風險，基金價格可跌可升，本人乃證監會持牌代表，以上基金項目本人曾經或正在持有。

晨早流流轉基金

2008-07-02T06:35:00.001+08:00

一大早起左身，訓唔返，走左去睇下自己d 基金...

咦，隻匯豐印度跌得好勁，一百八十蚊跌到得返百六，好彩之前止蝕(蝕左15%)轉走左，唔係又蝕多10%。不過由匯豐印度轉入既貝萊德(之前叫美林)新興歐洲基金，都跌左4%，跌穿左100天線，希望頂得住上返去啦，唔係又要止蝕。

另一方面，之前又膽粗粗轉左去隻JF日本度，但表現都係麻麻，跌左3%多d，睇耐d 先再作打算。

再睇睇其他基金，發現有隻富蘭克林生物科技基金呢一個月表現唔錯，五十天線升穿左一百天線，個價仲keep 住咁升上去，或者可以繼續上。同時又見隻首域中國基金已經由高位回落左成15%，雖然隻施羅德(之前叫寶源)台灣基金都由高位回落左成17%，不過諗諗下都係睇好台灣，睇淡中國，於是就轉走中國，轉過去隻生物科技度。老實講，呢隻生物科技表現唔係話太好，風險高(19%)回報低(10%)，升跌月份一半半，都係睇返兩個月目標15%就夠，唔能夠太貪。

講返隻台灣基金，真係比佢激死，上年12月買入，一路冇乜升跌(其實係跌左少少)，到三月馬英九當選時一下升左10%，之後又水靜河飛，到六月果時竟然又一個月打回原形，而家輕微蝕3%，怪只怪自己貪心，四五月果陣升左15%放左佢咪好囉！不過，又證實左我一直相信既「基金廣告論」又一次正確。

ps. 「報紙廣告論」係指當你係各大報章雜誌巴士地鐵既廣告度見到係同一時間有好多同一種類既新基金推出，咁短期(2-3個月)內呢一個類別既基金表現都麻麻，未必一定會跌，但一定唔好指意佢會勁升。

按需要分析負擔

2008-01-25T02:31:00.000+08:00

昨天說了人生價值計算的返法，今天談談按需要分析的計算。

按需要分析的做法比較複雜，首先要計算出受保人的家庭負擔，例如有否父母或弟妹要照顧，如果結了婚，那太太所需要的生活金額也要計算，而若有了小孩子，孩子的養育費用，甚至教育基金的金額也要一併考慮。

例如，供養父母的金額是每月$6000，而預期增長率跟通脹(4%)同步，預期所需年期30年，那計算得出支付父母所需要的生活費大約為250多萬...太太每月生活費為$8000，預期所需年期為60年，那太太的生活費現值則約是790多萬。

這些負擔數字是以現金流形式顯示，有時並非以簡單的平均時間值計(每期相同金額)，而是以不規則現金流(不同時期的金額會不同)去計算。

例如，孩子現在每月養育金額是$3000，6年後入讀小學時減少至每月$1500，而12年後要入讀中學，生活費又提升至$2000，到入讀大學時生活費可能增至每月$3000，再加上通脹因素，這就要用CashFlow Model 去計算了。以此計算，這筆供養費用的現值大約要64萬...

教育基金方面，現時大學費用支出每年為四萬二千元，四年總共16萬，計算18年通脹後約需35萬...

好了，計算好家庭負擔後，再計算一下個人資產及負債。這方面比較簡單，例如要供樓的人士，尚久銀行的按揭金額就是負債，但千萬不要把正在居住物業的價值放進資產那一邊，原因是居住物業是打算留給家人居住，而非打算賣出來償還債務的，所以這所物業根本不可能套現，亦不應計入資產一類。至於股票類資產，個人習慣只計算其50%-80%的價值，因為始終沒人知道將來的股價會如何，為保守起見只計算部份價值較好(若是藍籌股，可以計80%，若是二三線股，則只計算50%好了)。

如此，計算了所有資產及負債，就可以知道個人的保障需要了。例如若果以以上情況計算，假設現持有股票(藍籌股)約50萬，另有一層200物業，尚久銀行120萬，那總資產就是四十萬(五十萬的八成)，而總負債則是1,259萬(250萬父母+790萬太太+64萬子女+35萬教育基金+120萬按揭)。換句話說，所需的保障額就是$1,219萬！

「嘩！足足要一千二百多萬的保額，那保費不是很貴嗎？我買不起哦！」

是嗎？但大家有否留意到在那一千二百多萬當中，有很大部份是有固定年期的(例如，樓宇按揭的部份，只要物業供款完畢，就可以取消了！)，甚至乎這些金額是會隨年期而減少的(例如，十年後，家人的生活年期將會減少，那時的所需現值亦會減少)。

因此，根本沒必要去投保一份終身儲蓄人壽計劃，較好的做法是以定期壽險來提供足夠保障，而每五至十年再作檢討，需要時把保額減少...好了，如果那一千多萬是以定期壽險來投保大約要多少錢呢？答案是約$1,500(30歲男士，非吸煙)，一千多元只佔收入的4%-6%，絕對不能夠稱之為多。試想想，只要從收入中撥出4-6%就能夠為家人提供足夠的保險，而這筆金額更加會隨年期而逐漸減少，實在是值得認真去想一想。

當然啦，除了要為家人提供足夠保障外，自己亦應該有足夠的醫療危疾及意外傷殘保障，以防萬一。

你的生命值千金...

2008-01-24T03:40:00.000+08:00

結婚是人生大事之一，在財務策劃上，結婚後有很多地方要變動，其中包括置業的安排，教育基金的考慮，人壽保障的需要，稅務安排，以及遺產安排等...

而其最首要的，以人壽保障及遺產安排為甚。尤其是已擁有物業人事，因為一旦身故，物業的貸款餘額即會由妻子承擔，而本來二人的收入亦會即時變為只剩下一人工作，如果有了小孩子，那另一半的將來的生活就更加沉重了！

另外，根據遺囑條例，一旦立遺囑者結婚，之前所立之遺囑即會自動變成無效，而若果沒有再另立遺囑，根據無遺囑條例，所有資產將會歸屬於另一半及孩子，而自己的父母及兄弟姐妹則未必能夠由遺產中分得到任何資產！

談及人壽保險，很多人都會知道要買，但十之八九都不知道究竟要買多少。很多時候找保險代理買保險，代理給出的保額很大程度上是根據受保人提出的目標保費額來設定的，而有時甚至為了令保單更加吸引，代理可能會為客人選擇一些儲蓄成份比較高的保單，變相令投保額更加少。

其實，要計算一個人應該要買多少保險額並不難，當中比較常用的方法有兩個，其中一個是人生價值計算(Human Life Value-HLV)，另一個則是按需要分析(Need Based Analysis)。

先說人生價值計算，其實只是普通的現金流時間值(Time Value of Money)計算，假設一個人現在30歲，月收入為$25000，個人支出為$10000，預期於65歲退休，再假設通脹率為每年4%，存款利率為3%，那我們可以計算出，這人每月創造出的家庭價值(Home Taken Value)就是$15000，而他的人生生命價值就是$7,547,090。

這個750多萬是以每月$15000作為Payment(PMT)，回報率(i%)是-1%，期數(Period)是(65-30)x12=420，計算現值(PV)，得出的就是$7,547,090。這裡要留意，回報率是以-1%(負百份之一)來輸入，為的是計算出$15000每年通脹調整4%以及存款回報的3%的情況(根據Fisher Effect，nominal return=3%, inflation rate=4%, real return: 3%-4%=-1%)。

如是者，這750多萬代表這人在將來的35年，每月為家人帶來的$15000收入的現在價值。這是很簡單的DDM(Divident Discount Model-DDM)的計算。如是者，如果要買保險，投保額應該是750多萬！

但是，這方法很明顯過於簡單，因為它只考慮了受保人的工作收入，而沒有考慮他的資產及負債，更加沒有考慮他有否家庭負擔。因此，比較實際的分析方法就是按需要分析(Need Based Analysis)，這部份明天再談....

基金調配 - 21/1/2008

2008-01-22T01:09:00.000+08:00

這幾天大市波幅較大，恒指由二萬五千點左右水平一下子跌了一千三百點，接著經過小小回升後又一次下跌了一千三百多點，這兩次跌幅令恒指回到二萬三千點左右水平，相信短期會有一定支持，再看看，現水平其實已經差不多回到上年八月公布港股直通車時的情況，個人認為已屬合理水平，但股市永遠是不合理的，當跌勢出現，往往會跌得比合理價更加低才開始回升。因此，未來三個月也未敢太過樂觀。

自己並沒有持有太多股票，所以股市下跌對我影響不太，相反基金的價格波動反而是我主要留意的地方。

近幾個月基金回報不算太理想，雖然不致有太大損失，但升幅卻乏善可陳，之前買入了的台灣基金(當時買入信號出現-跌穿通道底線)，可幸有5-6%回報，但之後又倒頭回落，至今微跌0.34%，而礦業基金更加出現頗大調整，相比起高位有足足16%差距，而同類形商品物料基金也好不到哪裡，相對高位也下跌了14%。拉丁美洲基金亦受礦業下跌影響，相對高位跌了16%。

反觀之前一直被指PE過高的印度基金，這次跌浪對它影響不大，但也缺乏升幅，只是原地踏步。至於中國基金，眼看大市跌了兩三成，首域中國只下跌了17%，相比匯豐中國的28%，算是不錯，而惠理基金更只跌了14%，相對上月更只是下跌8%，明顯反映出價值投資法的優點。

早前換入的太平洋科技基金在是次跌勢下也有少少回落，相比上月買入時下跌了8%，現在正等待轉至新加入的宏信科技基金，因其投資地區不只限制在亞洲區，還包括美國的Apple 及Google，始終自己真的很喜歡這兩間公司，而其新開發的iPhone及Android 又真的很吸引，相信可以在手機界佔一席位！

另外，由於礦業及拉丁美洲基金已經由高位回落了15%以上，已到達本人預設的止蝕水平，若到本月底還不能回升上去，將會賣出換入其他基金，現正物色換入的對象。

買樓vs租樓

2008-01-21T01:40:00.000+08:00

踏入2008年，其中一個不停圍繞著身邊的話題就是結婚，身邊有不少朋友相斷結了婚，而亦有很多朋友在計劃中，而說開結婚就離不開會提及買樓了。

早前跟朋友談過自己對置業的看法：其實自己對買樓並不反感，只是對於以按揭形式來買樓感到抗拒。有朋友說，租樓的價錢跟供樓差不多，而供樓供滿後層樓就是自己的，相對租樓較好。

但是，根據自己觀察發現，若果以同一物業計算，一般以七成按揭分20年供的每月供樓的款項大概比租樓多出三成至五成，如以九成按揭，更多出七成！例如以一個150萬的單位來說，如果以七成按揭借105萬(首期45萬)分20年供，利息6%，每月供款約$7500，但同一單位，租金大約$5500 左右(連管理費)，每月足足少了約$2000...

如果，以每月的差額$2000及首期45萬去投資，假設回報率9%，20年後已經累積達四百四十五萬，幾乎是樓價的三倍，試問同一物業20年後能否升值三倍呢？況且，現在只是以9%計算，如果回報率達12%，20年後就是七百幾萬，15%就是一千一百萬了！到時候，再直接以整付金額去買樓不是更好嗎？

換句話說，如果我此刻買了樓，付了四十五萬首期，每月供$7500，二十年後我得到了那層物業，但卻損失了一千多萬！

有人說，租樓住會面對業主加租的危機，到時候會被迫搬遷，而自置物業卻沒有這個風險。但是，其實自置物業也同樣面對利息上升，供樓成本增加的危機，就以之前的個案來說，如果利率由6%加至8%，那每月供款將會增加至$8783，足足多了$1200，上升了16%，但自己的收入未必能夠增加，變相支出對收入比率會上升，增加資金流動風險。

相對租樓來說，租金由於在租約簽訂時已經訂明，租約期內不會增加，因此相對風險較少，而如果他日租金真的增加，也可以搬到租金較便宜的地方去住，因此住屋支出相對穩定。相反，如果供樓開支太大，要搬屋的話由於涉及物業轉讓，一時間未必能夠賣出，而樓價亦未必合乎自己心目中的目標，故此彈性較低。

但另一方面看，如果真的面對租樓貴過供樓的情況，是否又應該買呢？

當然要買啦！但買樓並非給自己住，而是應該放租出去，由於放租的租金收入會比供樓高，即是只要付出首期之後，自己就不用再供，這是一項極好的投資，假設以首期45萬買入，每月供款及租金收入相等，假設樓價二十年後不變，仍是150萬，那平均每年回報達6.2%，而如果租金收入比供樓多$1000，那回報率將會達8%！還未計樓價一旦升值的額外回報呢！但是，買樓放租者卻又面對著不少風險，如租不出，租客拖久租金，物業維修，翻新等....

另外，如果這物業是放租出去，自己又住在哪呢？當然是住進一些租金比供樓平的物業啦！

如此，買樓自住的話，還是先以租住形式，把省下的供樓差額及首期作投資，待足夠時再一筆過付款較好，而如果發現租樓比供樓貴，那就買樓收租，讓租戶代自己供樓，自己則住進一些租金較便宜的地方。

基金檢閱 4/5/2007

2007-05-04T16:39:00.000+08:00

尋晚轉左兩隻基金，睇到印度跌完，返返上之前個價位，估計應該仲有一段時間可以升，相對於近期疲弱既東歐似乎更加有投機價值，因此轉左東歐筆錢落印度。

另一方面，亦都見到能源基金走勢似乎唔錯，50天同100天平均線都係向上，於是決定將隻環球品牌轉左過去。

除此之外，順便講下其他基金走勢。

早排見到泰國50天移動平均升穿100天線，而家佢真係越升越有，已經沖破上年12月跌落唻既高位，返返上10蚊樓上，計計埋埋都升左10%以上(由三月初至今)，似乎用移動平均線去睇基金都幾有用。

早排新出既商品物料基金，我果時眼見佢有水泥行業係入面，出左唔夠兩日(一月尾出)就轉左入去，今日睇返，短短三四個月已經升左15%，算係近期升得比較勁既基金。

拉丁美洲雖然升左唔小，早排亦都急跌左10%，但係而家似乎已經企返穩，50天線都仲頂住冇跌穿100天線，似乎應該未洗放住。

除左以上既高風險投機基金外，仲有兩隻不敗基金係組合入面，就係Value Partners既價值基金同埋Morgen Stanley既亞洲房地產，呢兩隻基金勝在波幅夠低，都佔左組成三成，就算唻緊有咩風吹草動都應該可以頂得住。況且隻Value Partners 年初至今回報仲有成13%，真係唔講得笑！

以上只為個人分享，並非投資建議。

基金唔單止係中間人咁簡單

2007-03-18T13:15:00.001+08:00

繼續回應：

基金唔單止係中間人咁簡單…

唔知你知唔知..基金其實有好多自己途徑可以以折讓價買入正股，你成日聽到某股票配股，配售價比收市價折讓5-10%，配售比邊個？咪大戶囉！邊個係大戶？咪基金囉！

基金分析員唔單只資訊比我地多(例如佢地可以搵獨立會計師幫間公司再複核條數，以防做假，又可以親自同班管理層傾計，了解發展方向，又可以走去人地間廠度睇出貨入貨量，了解操作流程。)，佢地更加可以係間公司未上市之前己經開始分析，然後以比招股價仲平既價格買入呢間公司股份(傻啦，佢地唔洗抽新股架！)，你話呀，你就算你用招股價買入，都比佢地貴10%-20%，如果計升幅，邊有得同佢地鬥？

銀行股係穩陣，但風險太集中，太易受息口影響(就好似近排次級按揭問題，令金融股大跌，咪因為之前加息引起囉！)，不過似乎你唔係太在意風險因素，如果你淨係睇回報，咁股票同基金都差唔多..(相同回報，理性投資者會選擇波幅較低者，所以我會揀基金多過銀行股)

月供基金好定月供股票好？

2007-03-17T09:55:00.001+08:00

係人地個xanga度睇到有人問關於月供基金同月供股票既問題。

對方認為月供股票比較好，因為同樣都可以幫你儲到一筆錢，亦可以作為中長線投資，但係唔收基金管理費，變相收費會平d，而佢亦表示唔相信基金經理眼光，覺得基金經理只係會盡力sell好隻基金。

以下係我既睇法同回應。

如果你有能力係全世界唔同國家，例如中國，印度，南韓，俄羅斯，土耳其，法國，德國，巴西度買到股票，仲有能力每月供一百隻股票(每隻最少$1000 的話每個月要十萬元)，咁無疑月供股票係好過月供基金，因為咁樣你就真係基金經理。

基金有基金好，就係好在你可以用少少錢，就分散晒係全世界買入過千隻股票，唔同類型，唔同國家，唔同市場，唔同基金公司，咁樣你面對既價格波幅(風險)就會低好多。

你唔信基金經理眼光，咁點解又會信一間公司管理層眼光？其實基金經理就好似公司管理層咁，表現唔好會比人炒。你去揀股票會睇公司過往業績，又會睇未來前景，咁你可以用返同樣方法去揀基金，謝清海有隻惠理價值基金，表現超晒班，成立左14年，升左十三倍，平均年回報有成21%，相對其他香港基金，你都會揀呢隻啦！情況就好似你揀匯豐而唔揀8號仔咁。

另外，唔好搞錯，你講果d基金似乎係銀行sell果d新基金，我都好反對人買新出既基金(我都唔like抽新股)，因為完全冇過去記錄可以睇，遇著跌市時抗跌能力如何？升市時表現又如何？完全唔知。我講既基金係出左超過五年，而銀行永遠唔會推介果d基金(銀行淨係識推介新基金)。

月供一兩隻股票既成本會比月供基金平，但係，月供存款戶口既成本又會比月供股票平。有時候，唔可以淨係去睇收費，著眼點應該係溍在回報。如果你月供一兩隻股票，而希望回報比月供基金高，咁同買大細冇分別，機會一半一半啦..如果唔相信基金經理眼光，咁點解又會相信自己眼光呢？基金經理表現唔好會比人換走，你眼光唔好有冇人可以換？

關於二者既風險，如果風險係指”蝕錢既可能性(散戶口中講既風險)”，咁買基金同買股票差唔多，係蝕既，兩者都可能會蝕。如果風險係指”價格波幅 (投資學上講既風險)”，咁基金會比股票好，話晒基金係由過百隻股票集合而成，一隻股票既跌幅，可以由另一隻股票既升幅扺消左，相對價格波幅會低d。

45歲退休(財務自由)後每月一萬收入

2007-02-22T00:43:00.000+08:00

睇完戲同班朋友傾開，講開自己個退休(財務自由)計劃。事緣早個幾月自己同自己個左個每月兩千蚊，供30年o既全方位退休(財務自由)方案，到55歲可以儲到一千萬左右(預期每年回報15%)，咁呢一千萬就可以拎去買樓，如果每層兩百萬，咁就可以買五層，全部放租出去，每層收租七千(租金回報率為 4.5%)，咁大約有三萬左右退休收入，一直到百年歸老。不過，三十年後o既三萬等於而家一萬左右(預期通脹率3.8%)，所以都只係算係一個最基本o既退休(財務自由)計劃。

另外，亦都計過，如果想45歲就退休(財務自由)的話，咁可以計計，之前個plan 照去，跟住再儲一筆錢，大約要多二百六十萬，足夠45 至55 歲o既每月一萬二千蚊支出(一萬蚊生活費，兩千蚊供基金)，咁樣只要另外額外每月再供多兩千蚊左右(預期每年回報15%)就可以儲到呢筆錢。

有人問：邊度有咁高回報呀？15%係咪一定有呢？

我答：呢個係預期回報，係根據過去三十年股票市場o既回報project 出唻，當然，過去表現唔代表將來，15%未必一定有，不過可以肯定，放係銀行度儲就一定冇囉！

而家問題唔係有冇15%，而係點樣先可以有15%，你放銀行一定唔得，全部買債券都唔得，唯有投資係股票或股票基金先有可能。我話，你識投資，識揀股，又有時間睇住個股市，亦都有信心拎住一百萬可以一年賺十五萬(通常呢，拎住一萬賺千五容易，但拎住十萬賺萬五就難)，咁就自己買股票，否則就買基金，交比基金經理幫你搞。

又有人問：我一萬蚊退休唔夠洗喎，我估要兩萬先得！我答：我夠嘛..現時，你唔夠洗，咁就要儲四千蚊一個月先得啦！

第二個朋友問：四千蚊？我先搵得果萬幾，點可能儲到四千？我答：我叫佢儲四千咋嘛，你搵萬幾，咁退休想洗幾多？一萬蚊夠未？夠咪每月儲二千囉！(等加左人工先再諗45歲退休啦！)

第三個朋友問：三十年後，d 樓仲點止兩百萬一層呀？我答：我係話，如果兩百萬一層，買五層，咁如果三百萬一層，咁咪買三層囉，總之有三萬蚊租金收入就夠。呀，我仲未諗可能退左休後層樓會升值先呀！又或者，退休後唔想麻煩去打理幾層樓，走去買領匯基金都得，每年都有6%息收下，都幾好。

仲有其他問題，不能盡錄，都唔明，我退休o者，反而佢地有咁多問題，或者，其實大家都係度諗緊呢d 相類似o既野....

如何利用Smart Mortgage 增加回報

2007-02-22T00:41:00.000+08:00

Lunch 同同事傾開，個客有層樓，仲差四年供完，約欠四十萬，而家供緊九千蚊一個月，佢打算再按七十萬，咁想問我，點樣用Smart Mortgage 幫佢賺錢。

我建議，如果依現時情況，佢四年後可以供甩層樓，跟住再每月用九千蚊做投資，做十六年，假設每年回報為14%，咁佢廿年後可以有一層樓同埋大約六百萬資金。

而，如果用Smart Mortgage ，按七十萬出唻，四十萬還左現有Mortgage，仲有三十萬做一筆過投資，另外果七十萬按揭就每月還五千(設按揭利率每年7%)，二十年可以還完，咁仲有每月四千蚊可以拎去做投資，為期二十年。如是者，假設每年回報14%，到二十年後可以有一層樓同埋大約一千萬資金。

以上兩個情況，佢都係唻緊二十年每月比九千蚊，二十年後大家都有一層樓係手，而前者只得六百萬，後者則有一千萬，足足多四百萬。風險方面，後者投資期為二十年，前者則為十六年，故後者風險相對較低(同為14% 回報)。

相同資源，更低風險，相同回報假設，可以爭取更豐厚回報，此為財務策劃之精神也！

基金的平與貴

2007-01-22T01:29:00.001+08:00

今日同朋友傾開新發行的幾隻基金，朋友問，某中國基金己經發行左十幾年，而家已經六十幾七十蚊，相對另一隻中國基金，而家只係十蚊，咁會唔會我買新基金比較好呢(因為比較平)？

其實，基金o既價格係冇乜意思，只係一個數字，要比較唔同基金係唔可以以佢o既價格去比較，其中一個理由係唔同基金係發行時o既價格可以唔同，有時有d 係 $10 一個單位，但另一隻就係 $100 一個單位，咁你唔可以話 $100 果隻比 $10 果隻貴。

另一方面，唔同基金發行o既時間唔同，發行得耐o既基金每單位價格當然比新發行基金為高。但係想深一層，假設兩隻基金o既組合分佈一樣，咁你放錢入去呢兩隻基金度，佢入面都係間接放左落相同股票上面(於相同股價買入)，而一年後，如果呢 d 股票升值 30%，咁無論你買邊一隻基金，都會同樣有 30% o既回報(未計及基金管理費)。

不過，相比新發行基金，發行左十幾年o既舊基金有個好處係佢有往績可尋，你可以睇返呢隻基金個基金經理係過去不同時段o既表現，尤其係佢係跌市時損失係咪比大市為低，甚或逆市上升。雖然話過去表現唔代表將來，將 d 錢放入不過一檔過去表現好o既基金始終令人較為放心。

咁係咪唔好買新基金呢？其實投資同買馬唔同，你唔係要估中邊隻基金跑第一先有錢賺，就算你買落隻舊基金度，但最後新基金回報比舊o既更好，你隻舊基金都一樣係幫你賺左唔少錢。甚至，你可以兩隻都買，八成呢隻兩成果隻，咁就更加唔洗擔心。

不過，話時話，中國市場都升左唔少，如果淨係買落中國度未免風險太集中，都係分散 d 落其他國家、其他類別o既基金會好 d 。

由$3200到一億！

2007-01-18T05:12:00.000+08:00

今日買左林少楊本書，”由3200元開始，步上一億元財富之道”，自己之前都有睇開am730，有留意佢個專欄，都幾同意佢講o既野，其後先知原來佢係亞洲股神Tony o既徒弟，果然有料到！

講返本書，究竟點樣可以由三千二蚊變成一億呢？原來好簡單，只要你每月有三千二蚊可以剩低，跟住你仲有四十年時間，又搵到個投資項目比到你15%回報，咁恭喜你，你四十年後將會有一億元！！！呀！咪住，仲有一樣野，就係你今日要立即行動！

道理係簡單，仲係一定可以做到，但係，又係一個問題..有冇人會跟住做呢？據歷史顯示，一萬個人入面，都未必有一個跟住去做，但跟住做果個咪係億萬富翁囉(就算唔係都係千萬富翁)…如是者，問題唔係做唔做到，而係有冇人跟住做。

有人會話，要每個月剩低三千二蚊，冇可能！

咁，請問呢位先生每個月要洗幾錢呢？八千？ok，咁請問你每個月收入幾多呢？九千？咁的確係剩唔到三千二蚊喎，不過，問題係九千蚊一個月實在太少，應該考慮自我增值，進修下，學下點搵工，點interview，點bid 高d 價，要加到萬二蚊一個月唔係太難。如是者咪可以每個月剩三千二蚊囉！又多一個億萬富翁！

有人會話，我讀完大學，又有好多專業資格，每個月搵二萬幾，不過都剩唔到三千二蚊，咁又點呢？好，呢位小姐，既然你咁高學歷咁高收入都剩唔到錢，咁應該係你o既消費模式問題，有d人的確係唔覺唔覺洗晒d 錢，咁你其實可以參加d 儲蓄計劃，由銀行自動轉賬果三千二蚊去投資戶口，咁淨返果d 錢你繼續洗晒佢都得，咁你又可以成為億萬富翁。

又有人會話，我而家都四十幾歲，邊度仲有四十年比我儲蓄？其實，唔同年齡有唔同數字，如果己經四十歲，仲有廿五年就退休，咁其實用三千二蚊去儲，都儲到成千幾萬，做唔成億萬富翁，做個千萬富翁都唔差呀！總好過一味話做唔到，最後要靠生果金生活。

又或者，其實到四十歲，收入自然會比二十出頭o既高，如果到其時有返一百萬係手，咁用埋呢筆錢去投資，之後每個月只要儲一萬七千幾蚊，二十五年後都可以做個億萬富翁。

除此之外，好多人都會話15%回報好難做到，或者有人話一兩年就得，要四十年都有15%回報，冇可能！

其實，會問呢個問題o既人主要係放錢係銀行果d 人，的確，要你放錢係銀行而有15%回報真係冇可能，過去歷史的確只係有一兩年有15%利息一年..(或者，個別地區會有..例如而家o既巴西..)。但係，睇返股票市場，道指過去四十年升幅有13-14%，而恒指過去三十年都有成17-18%一年(計埋股息再投資！)，咁你話，如果你放係股票市場， 15% for 四十年有冇可能呢？如果你買落巴菲特果隻基金度，回報有成21%先！當然，係咪肯定有15%呢？答案係NO，除左死亡同交稅，冇野係肯定既….

其實，做唔做得成億萬富翁要睇天時地利人和，但肯唔肯踏出第一步就由你自己決定。如果你今日開始去行動，你未必可以做到億萬富翁(不過都係有錢佬！)，不過如果你連第一步都未踏出，咁可以肯定你唔係富翁，只係掌握住果20%財富o既80%人。

林少楊講o既係長線成為億萬富翁方法，下次再講之前睇o既另一本書..”一分鐘億萬富翁”，講下點樣短期內成為億萬富翁(雖則自己未做到..)！